Que derrotó casi toa la cosecha,
Sajandu de un tajo la espiga
... endinates que llegara la siega?
Malos tiempus barruntaste,
Pa que tú, campesinu de sangre,
t´enfurruscaras,
abandonaras yunta y arao,
tó juntitu,
Con el zachu y jocino que tú siempre usabas
Pa cambia´l morral y las´alforjas
Por una vieja y curtía maleta,
Que llenasti con to el jatu nuevo
Que tenías pa arriscarte los día de fiesta.
Y, asina, con ese poquinu equipaje,
Con el alma d´ansia y penita llena,
Dejasti atrás el tu pueblu,
que lloraba pa que tú no te jueras.
Y empalestraste la marcha,
com´hacen las grullas cuando es primavera.
En carrefila los días van pasando
Eso sí, faenando como si en ciudad nacieras
sin qu´ello te ponga contentu
Porque, ni ríes, ni cantas…, sólo suspiras de pena.
Agilas solitu,
D´acá p´allá d´ambulando,
Igualicu que animal escapau
de la jurranchera,
Clisaítu y miarandu a la genti
Que ni miran, ni salúan siquiera
Y es que tus pies están reveníos de pisar el asfalto,
Y caminan con pasitos mú cortus por las´anchas aceras,
Acostumbraos a correr y trotar por el campu,
O pisandu los praos tan verdes, repletos de yerba
Y en medio d´este descalientu,
te salen preguntas…
Y queriendo mirar pa los cielus ,
por ver si recibes respuesta.
No pues guipar ná d´arriba…
ni cielu , ni luna, ni estrellas
Los joíos edificios son tan altus,
que no dejan verlas
Y mirandu las manos,
que aún tienen callos d´apretar el arau con fuerza,
te sale un suspiru,
que deja tu alma ya fuera de pena.
Y racea la alegría,
careando la tristeza que tantu molesta
¡¡AQUÍ DEJU ESTU, NO QUIERO MAS D´ELLA ,
QUE MAÑANA MESMO , AGILO PA MI TIERRA
No hay comentarios:
Publicar un comentario