Anoche soñé en castúo
asina júe, Y me costó despertarme
soñé con mi pueblu, si, mi pueblu
Pero en los tiempus d´ ante
Yo estaba en una calle de rollos
con caporales jugandu
unas veces con roangas,
otras veces, con botes que jacian de zancus,
En dos d´ellos m´encaramé
y un biznago paecia asina
atravesandu los arroyos
Y los regatos qu´allí había,
Que bien que me lo pasaba
Agilandu a carrendilla
Y cuandu jabía tamboleo
El chancharazo venía.
Asina, jugaba y jugaba,
pero…..
coile!! Que el sueño demúo
na má que raceó María
Con su muñequina trapu
Que afaginandu vestía.
Que arriscá estaba ella,
Y que feliz se la veía,
Vistiéndola y empelotándola,
asina se entretenía…
Lo mesmo que antaño sentí ,
una mijina de vergüencina...
Qué ajuncos!! un bejino paecía mi cara
De colorá que la tenía
Y es que de chico m´ encandilaba,
Yo creo que, hasta la quería
aunque siempre júe un secretu
Porque nunca lo sabría...
Quiero que llegue la noche
a ver si sigo entovia
soñando con los caporales
recordando la tierra mía.
